الماسونية، وذكرها في مسلسل النهاية

ايه هي الماسونية؟ ايه أصلها وازاي بدات وياتري ايه مسلسل النهاية ده وبيحكي في ايه  ؟ بص خليني اقولك في الاول كده مش هتلاقي تفسير واحد مهما بحثت متفق مع تفسير تاني كل واحد ليه نظرايته الخاصة مرفقة بالدليل .. بس خليني اقولك أن قبل أعوام قليلة بس القادة والأستاذة الماسونيين سمحوا أن الماسونية متبقاش بالغموض والأسئلة الكتير فبدوا يدخلوا الاعلام والصحافة ووسائل الانترنت تتكلم وكأنها مجموعة عادية جدا ، وبقيت اي حاجة تتنسب ليها لان المشكلة احنا بنحب الغامض ، بنحب الغريب والملفت للنظر واحيانا كتير بنحب نعيش في رعب ونخلق قصص وهمية بالاستناد علي بعض الحقايق الصحيحة  .. وخلينا نبدا من اول خالص  وعلي فكرة انا مطول  ..

اايه هي الماسونية ؟ لو سألت شخص أو دورت في المصادر مش هتلاقي مفهوم واضح في ال هيقولك يعني الصهيونية العالمية ، ال Yهود ، الحكومة الخفية ، اما لو بتسال شخص أكثر اطلاع ومعرفة  هياخدك لتفاصيل اكبر بكتير هيكلمك عن فرسان المعبد أو اليو مانايتي ، Yهود الدمنة ، المتنورين ، البنائين الاحرار ، والنظام العالمي الجديد   .. الغريب أن ديما مشاهير كتير بيتربط اسمها بالماسونية أو علي الاقل كانوا فيها وخرجوا منها ، يعني اغلب رؤساء أمريكا كانوا ماسون زي چورج واشنطن وچيفرسن وغيرهم كتير  .. بعض مشاهيرنا هنا في تاريخنا المعاصر كانوا من أعضاء الماسونية سعد زغلول ، ومحمد فريد ، الشيخ جمال الدين الافغاني  ، ده كمان عندك سيد قطب ده مش كان عضو محفل بس ، لا ده كان بيكتب افتتاحيات المحفل الماسوني قبل الحظر المحافل في مصر في الستينيات  وكتب عن فخرو وابتهاجه أنه ماسوني .. مش بس كده عدد كبير جدا من الفنانين كانوا ماسونيين  كمال الشناوي ومحمود المليجي ، احمد مظهر ويوسف وهبي .. بس ايه هو المدخل الأساسي لفهم الماسونية بعيدا عن الإثارة والغموض ونظريات المؤامرة والبلا بلا ؟ أن مفيش ماسونية واحدة ده في عدة ماسونيات وبالتالي في عدة تعريفات !  وده يفسرلك أن في خلاف كبير مبين فريق بيتهم الماسونية أنها المسؤلية الاولي عن كل شر في العالم وفريق تاني شايف أن الماسونية جمعيات خيرية بريئة تماما من كل والاشاعات دي .. تعالي نفهم القصة من الاول خالص

-- متي بدأت الماسونية ؟ ..

البداية غامضة جدا ملهاش بداية محددة لكل ال كتب فيها ومفيش إجماع عليها بالتحديد ، بس ال في إجماع عليه هو أن الماسونية جاية من كلمة ( Masons ) معناها البنائين .. زمان البنائين كان لقب بيطلق علي البناء اوالمهندس ، طيب دول قصتهم ايه ؟
في القرن ال ١٤ والقرن ال ١٥ كان في نهضة عمرانية كبيرة اوي في أروبا واكيد مدام في نهضة عمرانية كبيرة يبقي لازم قصور فخمة وكنائس عظيمة وهنا كان دور البنائين .. ال كانوا بيتعاملوا معاملة خاصة عن معظم الحرفين خصوصا في القرون الوسطي ليه؟ لأنهم كانوا بياخدوا فلوس في حين أن معظم الحرفيين بتتعامل بالمقاضية ال هو عشان تحلق خد بضيتن عايز تاكل جبنة بدلها بعسل كده .. ، السبب ده كان كفيل انهم يخليهم يتنقلوا من بلد لبلد .. وعشان بيتنقلوا كتير فكانوا ديما بيبنوا أكواخ  عشان يلتقوا فيها كلهم بغرض الاستراحة يبات ليلية لو برا المدينة وكمان عشان يقابل زملاء المهنة ويتبادل المعلومات ، والأهم انهم كانوا بيستخدموا الاكواخ دي لتدريس المهنة وأصولها لأولادهم بحيث ميدخلش غرباء وخصوصا أن مفيش ولا مدارس ولا جامعات ، واتسمت الاكواخ دي باسم ( المحفل ) .. المحفل ده البداية ال بيتفق عليها معظم المؤرخين لفكرة الماسونية ..

-- نقل الخبرات دي كانت بتتنقل ازاي ؟

كان ليها شعائر منظمة اقرب للشائر الدينية ، وان التلميذ بيقف ويرفع أيده ويقسم علي الحفاظ علي اسرار المهنة واحترام زملائه ،  واحميهم من المتطفلين ، وفي الوقت ده بالذات بدات تظهر اكواد ورموز سرية عشان البنائين يعرفوا بعض من الدخيل عليهم وعشان الزباين متفهمش هما عايزين ايه ابتديت تظهر الرموز زي المثلث ، والبرجل ، وارقام زي ٣ ٥ ٧ ، هتلاحظ إن اغلب الرموز مرتبطة بالبناء والمعمار واكيد ده مش صدفة ويثبت أن بداية كان مهنية بحته .. فضلت المحافل دي موجودة ل عشرات السنوات لحد مبدأ يتراجع دور البنائين بسبب التغيرات ال بدات تحصل في أوربا وتحديدا في منتصف القرن ال ١٦ وده عصر النهضة في أوربا والثورة الصناعية وبدأت الدول تهمش دور الدين وتبقي قومية .. يعني ايه ؟ يعني الدول بقيت تنفصل عن الكنيسة وتعمل زي وزارة اسكان وزارة زراعة وغيره وده ادي أن دور البنائين ده يقل جدا .. فبداو في القرن ال ١٧ انهم يقبلوا ناس من خارج المهنة مقابل فلوس اشتراكات يعني عشان يعيشوا وعشان المحافل الصغيرة دي متقفلش ويمارسوا أنشطتهم فبداو يقبلوا طبيب مدرس اي حد ، وهنا كانت حركة مفصلية في تاريخ الماسونية .. ليه ؟ انضمام الناس دي خد الماسونية لمرحلة تانية خالص بعيد عن المعمار والهندسة ..

-- عملوا ايه ؟

بدوا يضموا المحافل الصغيرة لمحافل اكبر سنة ١٧١٧ .. يعني في كل منطقة في ٤ ٥ محافل صغيرة هدهم وهنبني محفل كبير وهيتسمي المحفل الأكبر ، وبدأ يبقي في المحفل الأكبر في بريطانيا ، المحفل الأكبر في فرنسا وغيرة ، بس بعد دخول الناس من خارج المهنة بإيجاز بدات تلعب دور تاني خالص في تغير تاريخ اوربا وتاريخ العالم لان انضم ليها النخبة في الدول من مثقافين وتجار وغيره وكانوا بيجتمعوا في المحافل لتبادل الأفكار ومناقشة الأوضاع السياسية والاقتصادية في الدول في العصر ده كانوا بيهتموا بقضيتين اتنين

١ - الرغبة في إقامة جمهوريات بدل الملكيات

ليه ؟ لان النخبة دي مش بتنتمي للأسرة الملكية وانهم شباب وليهم فكر مستقل ومؤثر ونفسهم يلعبوا دور سياسي في بلدهم وده عمره مهيتحقق لو فضلت النظام الملكي زي مهو ! ..

٢ - تهميش الكنيسة ( الدين ) ..

ليه ؟ لان الكنيسة لعبت دور عنيف جدا وخصوصا الكاثوليكية في مطاردة العلماء وقتلهم ومناصرة الملكية .

كان في ناس كتير بتشاركهم نفس الأفكار بس مش ماسونين .. بس الماسونية هي الاقوي لأنها منظمة وأكثر تأثير  يعني مثال بسيط زي مئات الملايين بيشجعوا الكورة دلوقتي بس مين المؤثر ورائه مسموع ؟ الاتراس .. مش عشان هما الأكثر عدد بس عشان الاكثر تنظيم ..

وبحكم الاهتمام بالقضيتين دول لعبوا دور قوي جدا في الثورة الفرنسية وهما شرارة الفتيل ليها ، ولعبوا دور سنة ١٨٤٨ في ثورات ربيع الشعوب في اكتر من ٥٠ دولة أوروبية ، اما الأخطر والأهم انهم لعبوا دور في إسقاط الخلافة الإسلامية والسلطان عبدالحميد ونجحوا من خلال حاجتين
الجمعيات الماسونية .. اما الاخطر كانت جماعة تابعة ليهم في تركية اسمها Yهود الدونمة بقيادة كمال الدين اتاتورك و سباتاي زائيفي  وYهود الدونمة دول Yهود قالوا إنهم اسلموا بس في واقع الامر هما Yهود ( منافقين ) ..

 النشاط كان في العلن لما كان ده متاح بس الاغلب كان يبقي سري جدا خصوصا انهم لازم يخافوا من السلطة لانهم متهمين في انقلابات لبلدان ، وعشان هما بقوا جماعة سرية بقوا يعملوا رموز جديدة ويطوروها وطرق سلام بالايد جديدة واستخدام ارقام محددة وعلامات بتعرفك انت شخص ماسوني او لا ، والرموز دي انقذتهم كتير من حالات قتل في تاريخ اوربا اتعملت في روايات وافلام كتير  بعضها حقيقي وبعضها مبالغ في ..

-- ايه الشعائر الغريبة بتاعتهم ؟

في الغالب بيبقي لازم اكتر من عضو يرشح الشخص ده ولازم يمر من طقوس كتير جدا وغريبة منها انك تقعد في غرفة فيها هيكل عظمي وضلمة جدا والنور بيدخل واحده واحدة الغرفة وهتلاقي اكتر من كده لو بحثت بنفسك .. وكل ده معروف ولكن كان ليهم تفسير بيقولوا انهم مش بيعملوا كده عشان الرعب والغموض  ، ده احنا قصدنا إن الماسونية بتعني النور والبحث عن الحقيقة وان الشخص ال بينضم لينا جديد كانه بيدخل رحم امه من جديد وانه في ظلام وبيخرج للنور تدريجي ، وبيتمسي الشخص ال داخل جديد بالباحث عن النور ..وده موضوع طويل جدا ..

- ليه الماسونية عليها هجوم ؟

في فترة من الفترات كان تعريف الماسونية هو الاخاء وحب الخير والصدق بس انضمام الكتير من اصحاب الاچيندات والمصالح خلاها جماعة مشبوهها ونظرا لمعادتها للدين ، مش بس عند العرب والمسلمين ده كمان داخل الدول الغربية لدرجة إن الكنيسة الكاثوليكية اعتبرتها ديانة وثنية شيطانية لازم الابتعاد عنها ، وابتديت الناس ال شيفاها جماعة عادية بتجيب دلائل والناس ال شيفاها جماعة مخربة ودموية تجيب دلائل اكتر .. وده بسبب انهم بيدعوا إن مفيش دين سماوي من الاساس انت تؤمن أن في اله بس مفيش حاجة اسمها وحي ..

 من أهم الجماعات ال اتقال أنها أنشأت من الماسونية ومسلسل النهاية بيتكلم عليها هي جماعة  (The Illuminati)  أو المتنورون  ..  مين دول ؟  دي جماعة  نشأت في المانيا في مقاطعة  بڤاريا واتنشأت في ظرف غامض جدا مؤسسها اسمه ادم ايزا حوبت ، كان استاذ جامعي قرر أنه يعمل جماعة سرية هدفها هي هي أهداف الماسونية

١ - اقامة حكومة عالمية واحدة وتوحيد النظام النقدي العالمي. مثل العملة الإلكترونية بحيث مفيش اوراق نقدية والتعامل المالي   نقاط بيع الكترونية وعن طريق البنوك فقط.
٢ - إهلاك الديانات السماوية بقدر الإمكان.
٣ - السيطرة على كل شخص من خلال وسائل السيطرة على العقل.

٤- التسبب في وفاة عدد كبير من السكان من خلال الحروب والمجاعة وان يكون عدد السكان محدود

٥-خلق بطالة جماعية.

٦-مصادرة "الأفكار الدينية" في جميع أنحاء العالم وذلك لتقويض كل الديانات القائمة حاليًا.

٧ - التسبب في انهيار كامل للاقتصاد في العالم وتولد حالة من الفوضى السياسية العامةي.

٨- السيطرة على التعليم ..

دي أهداف الماسونية والتنوريين المشتركة وال بيسلط الضوء عليها المسلسل من بدايته سواء صح او غلط .. بس خلينا نحكي عن المجموعة دي شوية وال لو دورت عليها هتلاقي ال تصدقه وال ميخطرش علي عقلك المجموعة دي مستمرتش غير ٨ سنوات بس في العلن من ١٧٨٤ ل ١٧٩٢ لان ملك بافاريا قدر يعرف أن المجموعة دي عايزة تستولي علي المانيا وكان عندها طموح في السيطرة علي العالم كله .. وحتي بعد مهرب ادم المؤسس  في ظروف غامضة قعدت ٧ او ٨ سنين لغاية متم القضاء عليها نهائي .. لكن رغم القضاء عليها ! كانت في قناعات شديدة في أوربا وبرا اوربا أن الجماعة دي موجودة وشغالة في السرية ، مش بس كده ده كتير من الحكايات الدينية والأساطير ارتبطت بالمؤسس ال اختفي بين الحدود ومات في ظروف غامضة من الاساطير دي أن الراجل آدم ده هو المسيح الدجال وأنه ليه رجال وعملاء بيساعدوا لتغير العالم كله وهيقودهم لحرب نهاية العالم وهناك هتتفقع عينه التانية وكل الكلام ال علي المسيح الدجال !! ..  دي من الحكايات الاسطورية المهمة المرتبطة بالمتنورين وال واخدها قصة مسلسل النهاية .. وخد من الاساطير دي كتير .. بس خد بالك زي كل نظريات المؤامرة بتبدا المسائلة بحقايق فعلية وبعدها الحقايق بتوسع شوية بحيث انك تسمع كلام  لو حلفت أن الماية تجمد مش هتصدقه ولا انا هصدقه .. المهم انك تبحث عن المعلومة وتقرا وتدور ومتخدش اي كلام انه مصدر موثوق بيه ..